بعد التحية والسلام أنقل لكم ما حصل معي في وكالة
عبداللطيف جميل تويوتا فرع المعارض بجدة
أمس الخميس بتاريخ 23 / 11 / 1429 هـ
مريت عليهم أشوف أسعار الجيب الأندكروزر gxr موديل 2009 سته سلندر
لقيتهم حاطين لوحة أمام السيارة التي يكتب فيها معلومات عن السيارة
وكاتبين السعر السابق 182 الف ريال وشاطبين عليه باللون الأحمر
والآن تخفيضات والسعر الحالي 171 الف ريال
ههههههههههههههه
قلت للموضف حق المبيعات يالحبيب أنتم وعمكم ابو جميل شايفين الشعب أهبل
ولا وش قصتكم تضحكون على الناس وتسرقون فلوسهم بالباطل
قال خير أش فيه ياعمي ؟
قلت اسعاركم الي حاطينها هذا وتكذبون علينا وتقولون تخفيضات وعروض ومدري وشو
ماتستحون على وجيهكم سعر الجيب هذا من يوم ما جاء وسعره عندكم 171 الف ريال
أول مانزل موديل 2009
والآن تقولون تخفيضات وحركات وسعره 171 الف والله لأبلغ فيكم وزارة التجارة
ياحراميه وتجمعوا عليه ناس كانوا في الصالة وقلت لهم يا أخوان شوفوا النصب
والأحتيال الي قاعدين يسونه هالعالم والضحية الشعب السعودي المسكين
المهم سويت لهم حفلة على كيفكم بسبب كذبهم وقلت للخوان المتواجدين
شفتوا الأسعار الي حاطينها أبي منكم كم واحد يعطيني رقم جواله حتى إذا طلبته
في المحكمة للشهادة يشهد بالي شافه لأني راح أرفع عليهم قضية وماراح أسيبهم
المهم أشوف بعضهم سحب نفسه والبعض الأخر يقول حسبي الله عليكم
وطلعوا من الوكالة بغير رجعة بسبب التلاعب بالأسعار
الرجاء من جميع المواطنين عدم السكوت عن مثل هالتصرقات الغير قانونية
والمطالبة والأستفسار فقد تكون هذه الحركة مسوينها موظفين المبيعات
وصاحب الشركة عبداللطيف لا يدري عنهم مسلم الحلال لهولاء الأجانب ويلعبون على المواطنين
إذا غاب القط العب يا فأر
حسبنا الله عليهم
منقووووووول من الشخص الذي حدث له الموفق
الأربعاء نوفمبر 26, 2008 5:55 pm
